Argentinada güclü yağış və qasırğa ucbatından 3 min nəfər təxliyyə edilib. Təbii fəlakət 70 yaşlı qadının həyatına son qoyub.
Simsar.az Rusiya mətbuatına istinadən xəbər verir ki, bu barədə Argentinanın TN telekanalı məlumat yayıb.
Ən güclü yağış və külək ölkənin mərkəzində - Santa-Fe, Kordova və Neuken vilayətlərində olub. Avtomobil yollarını və küçələri su basıb. Bəzi yerlərdə yağıntının həcmi 200 mm olub. Bu isə həmin regionlar üçün illik normadan da artıqdır.
Bölgələrdə fövqəladə komissiyalar yaradılıb.