Jurnalist və teleaparıcı Piçes Qeldof 25 yaşında vəfat edib. Polis onun cəsədini İngiltərənin Kent qraflığında, aparıcının evində aşkarlayıb. Simsar.az Reuters-ə istinadən xəbər verir ki, onun ölümünün səbəbləri məlum deyil. Atası Bob Qeldof 1980-cı illərdə fəaliyyət göstərən “Boomtoün Rats” qrupunun lideridir. Qeldof qızının ölümünü təsdiq edərək deyib : “Bu hadisə bizə çox ağri verdi”.
Qeyd edək ki, Piçes Qeldof 1989-cu ildə anandan olub və 15 yaşından bəri KİV-də karyera qurmağa başlayıb. “Elle” jurnalında, Daily Telegraph və Guardian kimi saytlarda məqalələr yazan jurnalist 2 dəfə ərdə olub. İkinci evliliyindən onun 2 övladı var. Oğlanlarının hələ iki yaşı tamam olmayıb. Piçesin adı bir neçə dəfə narkotiklərlə bağlı olan işlərdə hallanıb. Əsasən, o, heroin alverində ittiham olunub və məlumata görə o, vaxtı ilə narkotik vasitələrdən istifadə edib.
Mələk Abbaszadə