Donetskin yerli bölgə şurası müstəqillik bəyannaməsini qəbul edib. Belə ki, sənəd 120 deputat tərəfindən təstiqlənib. Məsələ ilə əlaqədar millət vəkili Fazil Mustafanın mövqeyini öyrəndik
Fazil bəy Simsar.az-a açıqlamasında qeyd edib ki, Qərbin qorxaq mövqeyi Rusiyanı daha da cəsarətləndirdi. Çox güman ki, yaxın gələcəkdə bütün regionu müharibə təhlükəsi bürüyə bilər. “ABŞ illərdir öz prinsipsizliyinin girovuna çevrilib. ABŞ Ukraynanı qeyri-bərabər müharibəyə sövq edərək indi seyrçi mövqeyindən Rusiyanı mənasız hədələməklə kifayətlənir. Ukraynaın parçalanması Avropa üçün ciddi təhlükədən xəbər verir”.
Millət vəkili əlavə edib ki, müstəqilliyini elan etmiş vilayətlər bir-bir Rusiyaya müraciət edərək birləşmə tələb edəcəklər. Yaxud da yeni bir Pridnestryanı formasında təsisatlar mövcud olmağa başlayacaq.
Xatırladaq ki, aprelin 6-da Ukraynanın Donetsk, Xarkov, Luqansk şəhərlərində federal idarə üsulunun tərəfdarlarının nümayişləri baş tutub, bir gün sonra isə Kiyevdən ayrı Xarkov və Donetsk respublikalarının yaradılması elan edilib.
Aynur Bayramova