ABŞ-ın Kaliforniya ştatında kütləvi tələbə əyləncə gecəsi polislə toqquşmayla başa çatıb. Simsar.az Reuters-ə istinadən xəbər verir ki, 100-ə yaxın adam həbs olunub, 44 nəfər isə yaralanıb. Vəziyyət “Deltopiya” adlı əyləncə gecəsinin keçirildiyi vaxta gərginləşib. 15 mindən artıq tələbənin iştirak etdiyi gecədə gənclərdən biri içində içki olan çantanı polisə çırpıb. Bundan sonra gecənin digər iştirakçıları polisləri daş atəşinə tutublar. Nəticədə bir neçə polis avtomobilinə ziyan dəyib. Polislər gözyaşardıcı qazdan istifadə etmək məcburiyyətində qalıblar. Zərərçəkənlərin hamsı yaxınlıqda yerləşən xəstəxanaya çatdırılıblar. Yaralıların çoxu polis olub.
Mələk Abbaszadə