Xarkovda etirazçılar yerli dövlət administrasiyası binasını ələ keçiriblər. Binanın ikinci mərtəbəsinin pənəcərəsində onlar Rusiya Federasiyasının bayrağını asaraq bölgədə referendumun keçirilməsin tələb ediblər. Simsar.az xarici KİV-ə istinadən xəbər verir ki, federallaşma tərəfdarları aprelin 6-da Donetsk, Xarkov və Luqansk şəhərlərində etiraz aksiyaları keçiriblər. Hər üç şəhərdə yerli administrasiya binaları ələ keçirilib. Donetskdə prokuratura baş vermiş hadisə ilə bağlı kütləvi iğtişaşlar maddəsi altında iş başladıb. Xarkovda isə xuliqanlıq maddəsi ilə iş açılıb. Buna səbəb ərazidə etirazçılar və avromaydan iştirakçıları arasında baş verən kütləvi dava olub.
Qeyd edək ki, martdan bəri Ukraynanın şərqində etiraz aksiyaları keçirilir. Etirazçılar yeni hakimiyyəti qəbul etmirlər və yaşadıqları bölgənin federallaşmasını tələb edirlər.
Mələk Abbaszadə