Hesablama Palatası “Azərbaycan Respublikası Hesablama Palatasının 2013-cü ildə fəaliyyəti haqqında Hesabat” təsdiq edib. Hesabatın Milli Məclisdə müzakirə üçün təqdim olunması qərara alınıb.
Palatadan Simsar.az verilən məlumata görə, Hesablama Palatasının kollegiya iclasında qərara alınıb ki, dövlət büdcəsindən ayrılan vəsaitlərin Bərdə rayon Mədəniyyət və Turizm şöbəsində, Mərkəzi Rayon Xəstəxanasında, “Azəriqaz” İstehsalat Birliyinə, “Aztelekom” ASC-də,Dövlət Sosial Müdafiə Fondunun Beyləqan rayon şöbəsində necə xərclənməsi ilə bağlı yoxlama aparılacaq.
Kollegiya həmçinin, dövlət büdcəsinin funksional təsnifatının “Ümumi dövlət xidmətləri” bölməsi üzrə Naxçıvan MR büdcəsindən Naxçıvan MR Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidmətinin saxlanılmasına ayrılan vəsaitlərdən istifadəyə dair Audit proqramının təsdiq olunması barədə qərar qəbul edilib.
Simsar.az