ABŞ-ın Konqres nümayəndələri palatası aprelin 1-də Ukraynaya köməklə bağlı qanun qəbul edib. Simsar.az Reuters-ə istinadən xəbər verir ki, qanuna əsasən Kiyev hökumətinə 1 milyard dəyərində kredit və 150 milyon dəyərində kömək veriləcək. Həmçinin qanuna görə ABŞ Rusiyaya Krım ələ keçirilməsi ilə bağlı sanksiyalar tətbiq edə bilər. Ukraynada zorakılıqda və insan haqqlarının pozulmasında əli olan Rusiya və Ukrayna vətəndaşları üçün viza verilişinin dayandırılması və hesabların dondurulması nəzərdə tutulub. Qanun layihəsi 378 konqresmen tərəfindən qəbul edilib, digər 34-ü isə qanunun əlehinə səs veriblər. Həmçinin sənəd senat tərəfindən də qəbul olunub. Bu o deməkdir ki, qanun Ağ evə, prezident Barak Obamaya imzalanma üçün göndərilib.
Mələk Abbaszadə