Paytaxtın mərkəzində, Həsən Əliyev küçəsində əsaslı təmir işlərinə başlanılıb. Əraziyə cəlb olunan işçi qüvvəsi mühəndis kommunikasiya qurğularını yeniləyərək dəyişir. Dəyişməkdə olan həm də yolun kənarlarını bəzəyən bardürlərdir. Hələlik ərazidə köhnə bardürlərin söküntüsü işləri aparılır. Yolun digər bir hissəsində isə köhnə beton bardürlər mərmər bardürlərlə əvəz olunur.
Hazırda xidməti maşınlarla əraziyə gətirilən mərmər bardürlər yol kənarına düzülərək hissə-hissə vurulur.
Təmir işləri Həsən Əliyev küçəsinin Koroğlu Rəhimov küçəsi ilə kəsişməsindən Tbilisi prospektinə qədər 3,4 km-lik məsafədə aparılır. Yaxın 10 gün ərzində isə yolda əsaslı təmir işləri görüləcək.
Yəni bardürlər dəyişdirildikdən sonra yolun hazırkı asfalt örtüyü qaşınacaq və zəruri hissələrdə genişləndirmə işləri aparılaraq yeni asfalt örtüyü döşənəcək.Ərazidəki təmir işlərini həyata keçirən "Azəryolservis" ASC-nin mətbuat xidmətinin rəhbəri Pünhan Mürsəliyev, yolda asfalt vurma işlərinin aparılması sürücülər üçün elə də ciddi problem yaratmayacağını bildirib:
“Yol hissə-hissə asfaltlanacaq, bu zaman yol bağlanmayacaq. 2 gündür ki, başlanan təmir işləri hələ 2-3 ay davam edəcək”.
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
