Ağ evə tüfənqdən 8 dəfə atəş açan amerikalı 25 il həbs cəzası alıb. Simsar.az Associated Press-ə istinadən xəbər verir ki, qərarı Vaşinqton məhkəməsi verib. 23 yaşlı Oskar Ortqeqe-Ernandes Barak Obamanın ailəsinin iki üzvününün və xidmətçilərin həyatına qəsd cəhdində ittiham olunurdu. Onun binaya yetirdiyi xəsarət isə 100 min dollar olaraq dəyərləndirilir. Ernandesin vəkili onun hadisəni törədməsi zamanı ağır depressiyada olduğunu bildirib və cəzanın 10 ilə qədər azaldılmasını istəyib.
Qeyd edək ki, sözü gedən hadisə 2011-ci ildə baş versə də hadisənin məhkəmə prosesi indi bitib. Ağ evə yaxın ərazidə Orteqa-Ernandes avtomobildən enib və özü ilə tüfəngini götürüb. O, binanın 2-ci və 3-cü mərtəbələrini atəşə tutub. Hadisə yerindən qaçsa da 5 gün sonra Pensilvaniya ştatında polis tərəfindən saxlanılıb.
Mələk Abbaszadə