Aprelin 5-də Azərbaycan Dövlət Akademik Opera və Balet Teatrında italyan bəstəkarı Covanni Battista Perqolezinin “Qulluqçu-xanım” operasının premyerası olacaq.
Qeyd edək ki, operanın ilk tamaşası 1733-cü ildə nümayiş olunub.
Teatrın mətbuat xidmətindən Simsar. az-a bildirilib ki, maraqlı süjet xətti, şən və sadə melodiyalar üzərində qurulmuş opera ilk dəfədən böyük tamaşaçı marağına səbəb olmuş və uğur qazanıb. “Qulluqçu-xanım” bu günədək dünyanın ən nüfuzlu opera teatrlarının repertuarını bəzəməkdədir.
Yeni tamaşanın quruluşçu rejissoru Əməkdar Artist İnarə Babayeva, musiqi rəhbəri və dirijoru Xalq Artisti, professor Cavanşir Cəfərov, quruluşçu rəssamı Əməkdar Mədəniyyət İşçisi Yusif Babayevdir.
Tamaşada əsas rolları İnarə Babayeva (Serpina), Anton Ferştandt (Doktor Uberto) və Fərid İbrahimov (Vespone) ifa edəcəklər.
Şübhəsiz, Opera və Balet Teatrında ilk dəfə səhnəyə qoyulan bu opera gözəl musiqisi, dekorasiya və kostyumları ilə tamaşaçılar tərəfindən bəyəniləcək və maraqla qarşılanacaq.
Günel
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
