Simsar.az xəbər verir ki, Tələbə Qəbulu üzrə Dövlət Komissiyası rezidentura səviyyəsinə qəbul imtahanının I mərhələsində iştirak edən namizədlər üçün apelyasiya komissiyası yaradıb.
Komissiyanın mətbuat xidmətindən Simsar.az-a verilən məlumata görə, 2014-cü il martın 30-da keçirilən 2014/2015-ci tədris ili üçün Azərbaycan Respublikasında baza ali tibb təhsili əsasında həkim-mütəxəssislərin hazırlanması məqsədi ilə rezidentura səviyyəsinə qəbul imtahanının I mərhələsinin nəticələri ilə əlaqədar müraciətlərə baxılması üçün Apelyasiya komissiyası yaradılıb.
Komissiya martın 31-dən aprelin 2-dək hər gün saat 10-dan 17-dək TQDK-nın binasında (ünvan: Ak. H. Əliyev küç., 17) fəaliyyət göstərəcək.
Aysel