Ukraynada mənzillənən Beynəlxalq Qadın Hüquqları Təşkilatı - FEMEN Türkiyədə 30 mart seçkisilə əlaqədar etiraz aksiyası keçirib
Simsar.az saytı xarici KİV-ə istinadən xəbər verir ki, soyunmaqla tanınmış FEMEN qızlar bu dəfə İstanbulun mühafizəkar səmtlərindən olan Üsküdarda toplanıblar. FEMEN üzvləri baş nazir Rəcəb Tayyib Ərdoğanın səsverməyə gələcəyi məntəqədə soyunaraq seçki qutuları qoyulmuş masaya çıxıb, onun əleyhinə şüarlar səsləndiriblər.
Çılpaq bədənlərinə şüarlar yazan 2 aksiyaçı səsvermə məntəqəsindəki polislər tərəfindən saxlanılıb.
FEMEN lideri İnna Şevçenko aktivist qadınların Fransa vətəndaşı olduqlarını söyləyib.
Şevçenko "Ərdoğan əvvəlki seçkilərdə bu məntəqədə səs verdiyi üçün biz də etiraz nümayişimizi burada reallaşdırmağa qərar verdik" deyib.
Ancaq baş nazir Ərdoğan budəfəki seçkilərdə səsvermə üçün başqa məntəqəyə gedib.