Hindistanın Madya-Pradeş ştatında yük avtomobili ilə traktor toqquşub. Simsar.az İTAR-TASS-a istinadən xəbər verir ki, nəticədə traktordakı 10 nəfər ölüb, 30-dan çoxu isə yaralanıb. İlkin məlumata görə hadisənin baş verməsinə səbəb yük avtomobilinin yüksək sürətlə hərəkət edərək qarşı zolağa girməsi olub.
Ölən və yaralananların hamısı zəvvar olub. Onlar Hindistanın müqəddəs çayı hesab edilən Narmada çayından qayıdırmışlar.
Qeyd edək ki, yol qəzalarında ölənlərin sayının çoxluğuna görə Hindistan dünyada 1-ci yeri tutur. 2011-ci ildə eyni səbəbdən 140 min, 2012-ci ildə isə 150 min insan dünyasını dəyişib.
Mələk Abbaszadə