Azərbaycan Dövlət Akademik Opera və Balet Teatrının aprel repertuarı maraqlı tamaşalarla zəngindir
Simsar.az xəbər verir ki, aprelin 5-də C.B.Perqolezinin “Qulluqçu xanım” operasının premyerası, ayın 6-da F.Əmirovun “Min bir gecə” baleti, 9-da V.A.Motsartın “Sehrli fleyta” operası nümayiş olunacaq.
Opera və balet həvəskarları aprelin 12-də C.Verdinin “Traviata” operasına, aprelin 16-da Q.Qarayevin “Leyli və Məcnun”, M.Ravelin “Bolero” baletlərinə baxa bilərlər.
Əməkdar Artist Fidan Hacıyevanın konserti Opera və Balet Teatrının səhnəsində aprelin 19-da olacaq.
Aprelin 20-də F.Şopenin “Şopeniana” baletinin premyerası və L.Minkusun “Paxita” baleti, ayın 23-də Ü.Hacıbəylinin “Leyli və Məcnun” operası göstəriləcək.
C.Verdinin “Aida” operası aprelin 26-da, L.Minkusun “Don Kixot” baleti ayın 27-də nümayiş olunacaq.
Opera və Balet Teatrının kollektivi həmişə olduğu kimi, aprel ayında da balaca tamaşaçıları unutmamışdır. Uşaqlar aprelin 13-də L.Vaynşteynin “Çəkməli pişik” operasına baxa bilərlər.
Günel