Son zamanlar gündəmdən düşməyən Aygün Kazımova və Ramal İsrafilov qalmaqalı barışığa doğru gedir. İfaçı və bəstəkar Ramal xalq artistinə qarşı barışıq addımı atıb. Ötən günlərdə şou proqramlardan birində küsülü sənətçilər üz-üzə gəliblər. Aygün səhnədə ifasını bitirdikdən sonra arxasıyca Ramal səhnəyə çıxıb və tamaşaçılar ilə sağollaşıb səhnədən uzaqlaşan xalq artistinin başına qızıl gül ləçəkləri töküb.
Bəstəkar-müğənni bu addımının ardından, “Respublikanın xalq artisti Aygün Kazımova” deyərək, bir daha onu təqdim edib. Aygün Kazımova isə Ramalın bu addımına cavab verməyərək səhnədən uzaqlaşıb. Həmin video görüntüləri ifaçılar ilə birlikdə gecədə iştirak edən prodüser Tolik İnstaqram səhifəsində paylaşıb.
Xatırladaq ki, A.Kazımova və R.İrafilov arasında baş verən qalmaqala “Biletini alma” mahnısı səbəb olmuşdu. Həmin mahnını ilk olaraq Günay İbrahimli üçün bəsdələdiyini deyən Ramal qonorar məsələsi olduğundan həmin mahnını xalq artistinə verib. Daha sonra isə Aygün Kazımovanın ifasını bəyənmədiyini deyən Ramal mahnını özü ifa edib, ötən günlərdə isə klip təqdimatını keçirib.
Günel