Türkiyədə bir qrup müsəlmanlar seçki nəticələrinin təxmini olaraq məlum olmasından sonra şükür namazı qılmaq üçün Fatih Məscidinə axın ediblər.
Simsar.az türkiyə mətbuata istinadən xəbər verir ki, İstanbulda İsmailağa camaatına mənsub bir qrup müsəlman vətəndaş bu gecə saat 05:00-də Fatih məscidində şükür namazı qılaraq, dua mərasimi təşkil ediblər.
Mərasim təşkilatçılarından olan Ramazan Özsarı xoca bütün inanclı şəxsləri bu addıma dəstək olmağa dəvət edib.
Din xadimi Mahmud Usta Osmanoğlu xoca əfəndinin vəkili və eyni zamanda Türkiyənin baş naziri Rəcəb Tayyib Ərdoğanın da xocası olan Kamal Əfəndinin də gecə keçirilən dua proqramında iştirak etdiyi bildirilir.
Təşkil edilən mərasimdə Ərdoğan və hökumət üçün dua edilərək, xaos yaratmaq istəyən fitnəkarların və paralel sistemin çirkli əməllərini yox etmək üçün Allaha dua edilib.
Fatih Məscidinə həmin saatlarda çoxlu mömin axınının olduğu bildirilir.