Rusiyanın Xantı-Mansi muxtar dairəsinin hökumətinə ağ toz doldurulmuş zərf göndəriblər. Zərfi açdıqdan sonra 18 adam xəstəxanaya aparılıb.
Simsar.az-ın məlumatına görə, zərər çəkənlər arasında qubernator aparatının məmurları və zərfin açılması zamanı dəvət edilmiş 5 polis işçisi var. Təhlükəli maddə doldurulmuş zərfi martın 28-də hökumət binasına naməlum adam gətirib. Zərfdə dəqiq ünvan olmadığına görə onu şübhəli sayıblar. Hökumət işçiləri onu şübhəli sayaraq polis çağırıblar və sonra açıblar.
Bundan sonra, 18 adam Xantı-Mansiysk şəhər xəstəxanasının infeksiya şöbəsinə aparılıb. Simptomlar barədə məlumat verilmir. Tozu isə Tümen şəhərinə ekspertizaya göndəriblər.