Aprel ayında Səməd Vurğun adına Azərbaycan Dövlət Rus Dram Teatrında maraqlı tamaşalar göstəriləcək
Simsar.az xəbər verir ki, aprelin 1-də “Cız-bız” parodiyalar nümayişinin premyerası, ayın 3-də A.Ostrovskinin “Qurdlar və qoyunlar”, 4-də M.F.Axunzadənin “Müsyö Jordan həkimi-nəbatat və Dərviş Məstəli şah caduküni-məşhur” komediyaları göstəriləcək.
Azərbaycan Dövlət Rus Dram Teatrının kollektivi aprelin 5-də O.Yernevin “Yeni il gecəsində məhəbbət intriqaları” komediyasını, ayın 6-da K.Qoldoninin “Mirandolina”, 10-11-də Elçinin “Cəhənnəm sakinləri” və “Teleskop” tamaşalarını təqdim edəcək.
E.Şmittin “Pozğun” sevgi hekayəsi aprelin 12-də, M.Zadornovun “Ər almaq istəyirəm” komediyası ayın 13-də nümayiş olunacaq.
Teatrsevərlər aprelin 17-də F.Dostoyevskinin eyniadlı əsəri əsasında hazırlanmış “Karamazov qardaşları”, ayın 18-də R.Kuninin “Həddindən artıq evli taksi sürücüsü”, 19-da M.Kamolettinin “Ah, bu Anna” tamaşalarına baxa bilərlər.
Aprelin 20-də M.Lermontovun “Maskarad”, ayın 24-də N.Gəncəvinin eyniadlı poeması əsasında hazırlanmış “Yeddi gözəl”, 25-də C.Ostinin “Qürur və qərəz” tamaşaları göstəriləcək.
Teatrın kollektivi aprelin 26-da A.İvanovun “Adaxlı çağırmısınız, qızlar?”, ayın 27-də V.Siqarevin “Yalan detektoru” komediyalarını təqdim edəcək.
Azərbaycan Dövlət Rus Dram Teatrının kollektivi həmişə olduğu kimi, aprel ayında da balaca tamaşaçıları unutmamışdır. Aprelin 5, 6 və 27-də “Nağılı tap! -1” və “Nağılı tap!-2”, ayın 12-də “Güləbətin tikən qız və süpürgəçi” tamaşaları göstəriləcək.
Uşaqlar “Maşa və Ayı”, “Durna balığının buyruğu ilə” tamaşalarına aprelin 13-də və 19-da baxa bilərlər.
Aprelin 20-də “Çar Saltan, knyaz Qvidon və Qu quşu şahzadəsi haqqında nağıl”ın premyerası, ayın 26-da “Gözəl Vasilisa” nümayiş olunacaq.
Günel
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
