Mühəndislərin hazırladığı çevik robot-balıq – VİDEO
Massaçusets texnoloji universitetinin mühəndisləri balığı xatırladan çevik, biometrik robot yaradıblar. Simsar.az xarici KİV-ə istinadən xəbər verir ki, robot iki hissədən ibarətdir: ön bərk və arxa çevik hissədən. Bütün elektron hissəciklər balığın ön, yəni bərk tərəfində yerləşir. Arxası isə tamamilə silikondan ibarətdir və orada iki qaz rezervuarı yerləşdirilib. Robotun balıq kimi üzə bilməsi üçün həmin rezervuarlara sıra ilə karbon qazı ötürülür. Həmçinin əsl balıq kimi o öz traektoriyasını saniyələr içərisində dəyişə bilir.
Qeyd edək ki, son zamanlar alim və mühəndislər çevik robotların yaradılmasında sanki yarışa çıxıblar. İndiyə qədər çevik robot-kalmar, robot-ilan və robot-qurdlar yaradılıblar.