Facebook şirkəti tərəfindən yaradılan messencer artıq “Windows Phone”larda da işləyəcək. Simsar.az xarici KİV-ə istinadən xəbər verir ki, bu barədə məlumat martın 5-də verilib. Pulsuz proqram 31 dildə fəaliyyət göstərəcək. Proqramı internet-dükanlardan əldə etmək olar. Messencer vasitəsiylə sosial şəbəkədə məktub, şəkil və stikerlər göndərmək mümkün olacaq.
Son 1 il ərzində “Windows Phone”a çox sayda yeniliklər əlavə olunub. Məsələn bundan öncə Vine, İnstagram və Waze proqramları “Windows Phone” istifadəçilərinə təqdim olunmuşdu.
Qeyd edək ki, “Windows Phone” platformu Microsoft şirkəti tərəfindən 2010-cu ildən bəri buraxılır. Həmin əməliyyat sistemi ilə smartfon istehsal edən ən böyük istehsalçı şirkət Nokia-dır.
Mələk Abbaszadə