“İnstagram”ın foto çərçivəsi satışa çıxarılacaq– FOTO + VİDEO
“İnstagram”a yüklənən şəkilləri göstərən çərçivə artıq hazırdır. “İnstacube” adlı foto-çərçivənin yaradıcısı olan D2M şirkəti həmin qurğunu 2014-cü ilin aprelin 5-də satışa çıxaracaq. Simsar.az xarici KİV-ə istinadən xəbər verir ki, foto-çərçivənin 6.5 düymlük sensorlu ekranı və 4 GB yaddaşı var. Çərçivənin Wi-Fi modulu mövcuddur. Şəkilləri ya əllə ya da avtomatik sistemlə bir-birilə əvəz etmək mümkündür.
Gələcəkdə həmin qurğu Facebook, Flickr və Vine kimi şəbəkələrə də qoşulacaq. Kickstarter.com saytında qiyməti 149 dollar olan vasitənin satışa çıxarılması üçün sayt 250 min dollar yığmalı olsa da 620 min dollar yığıb.