“Avromaydan” fəalları İqor Luçenkonun və Yuri Verbiçkinin qaçırılmasında şübhəli bilinən şəxslər saxlanılıb. Simsar.az “Ukrainskaya pravda”-ya istinadən xəbər verir ki, DİN-in nazir müavini Nikolay Veliçkoviç bildirib ki, 13 nəfər şübhəli şəxs qismində axtarışa verilib və onlardan 2-i artıq saxlanılıb. Həmin insanlar Yuro Verbiçkinin qətlində günahkar bilinirlər.
Xatırladaq ki, “Avromaydan” fəalları Yuri Verbiçki və İqor Luçenko yanvarın 21-də Kiyevin Oktyabrsk xəstəxanasından qaçırılmışdılar. Luçenko aldığı ağır zədələrə baxmayaraq sağ qalıb. Lakin Yuri Verbiçkinin cəsədi Kiyev ərazisində meşədə aşkarlanıb.
Mələk Abbaszadə