“Galaxy S5” “Apple”ı kölgədə qoyacaq
Hələ bazara çıxmayan “Galaxy S5” haqqında artıq ortaya iddialar çıxıb. Təxminlərə görə, 2014-cü ilin fevral ayında təqdim ediləcək mobil telefon, özəllikləri ilə sahibin sadiq mülkünə çevriləcək. Belə ki, telefonda sahibini tanımaq funksiyası yerləşdirən Samsung bu funksiyası ilə “Apple”ın barmaq izi tanımaq funksiyasını əməlli-başlı kölgədə qoyacaq.
Sözün əsl mənasında, hər kəsi “ağlına” heyran qoyacaq smartfonlar sahibindən başqasının əlində işləməyəcək və ya sahibinin gözü hələ də telefona baxırsa ekran qaralmayacaq. Telefonun sahibi telefondan nəzərini çəkdikdən sonra avtomatik olaraq kilidlənəcək. Bu da göstərir ki, telefonun təhlükəsizliyi demək olar tam şəkildə təmin olunacaq.
Eyni zamanda “Galaxy S5”in QHD ekrana sahib olacağı güman edilir. Bu ona 1080p təmiz görüntü keyfiyyətindən 2 qat çox, 2.560x1.440 piksellik görüntü keyfiyyəti bəxş edəcək. 2.5 GHz sürətində 64 bit prosessorlu ilk Android telefon olması da ehtimallar arasındadır. 5.5 inç böyüklüyündəki Samsung “möcüzəsi” iddialara görə, bazardakı ilk 4 MB RAM-lı telefon olacaq.
Ülviyyə Cövdətqızı
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
İlham Əliyev Berlindədir
Elmira Süleymanova vəfat etdi
.jpg)
