Bu gün Ümid Partiyası Rəyasət Heyətinin iclası keçirilib.
Partiyanın mətbuat xidmətindən “simsar.az”-a daxil olan məlumata görə, iclasda ölkədə mövcud ictimai siyasi vəziyyət, baş verən son siyasi proseslər, eyni zamanda beynəlxalq aləmdə baş verən hadisələr və bunun fonunda ölkənin və partiyanın beynəlxalq vəziyyətə münasibəti müzakirə olunub.
Daha sonra Ümid Partiyası İcra Aparatı rəhbəri Nəsimi Məmmədlinin hesabatı dinlənilib və Rəyasət Heyəti üzvləri hesabat barədə müzakirələr aparıb və qənaətbəxş hesab ediblər.
Təşkilat şöbəsi və digər yetkililər partiyanın təşkilatlanma sahəsində gördüyü işlər, strukturlarda baş verən yeniliklər barədə məlumat veriblər.
Sonda İcra Aparatının təqdim etdiyi iclaslararası dövr üçün icra planı təsdiq edilib.