2013-cü ilin üçüncü rübünün yekunları üzrə “Apple” şirkəti 33,8 milyard müxtəlif növ "iPhone” smartfon modeli buraxıb ki, bu da bir il əvvəlki göstəricidən 25,7 faiz çoxdur. Simsar.az-ın məlumatına görə, bu barədə “Digitimes Research” şirkəti analitiklərinin hesabatında deyilir.
Ekspertlərin sözlərinə görə, "iPhone 5c” modeli qiymətin məhsuldarlığa olan aşağı nisbətinə görə qabaqcıl "iPhone 5s” modelindən pis satılır. ABŞ istehsalçısı köhnə modelləri bazarda saxlamaq qərarına gələrək iqtisadiyyatı inkişaf etməkdə olan ölkələr üçün onların qiymətini aşağı salıb.
Bunun nəticəsində “iPhone”un orta dəyəri üçüncü rübdə 577,2 dollara – rekord aşağı səviyyəyə enib və şirkət mobil biznesin rentabelliyinin zərərinə olaraq daha çox telefon satmaq qərarına gəlib.
“Digitimes Research” nümayəndələri güman edir ki, 2013-cü ilin sonuncu rübünün yekunları üzrə “Apple” yeni modellər sayəsində smartfonların satış həcminə görə rekorda imza ata bilər. Lakin buna baxmayaraq şirkətin inkişaf etməkdə olan regionlarda zəif mövqeyə malik olması səbəbindən bazar payını genişləndirməsi inandırıcı görünmür. Belə ki, bu regionlarda “iPhone 5c” modelinin qiyməti əvvəlcədən nəzərə tutulduğu kimi ucuz hesab edilmir. Məsələn, Çində bu qurğunun qiyməti 700 dolları ötür. Məhz Çin “Apple”ın potensial artımı hesab olunur. ABŞ istehsalçısı artıq ölkənin mobil telefon istifadəçilərində payı 70 faiz təşkil edən yerli "China Mobile” operatoru ilə saziş imzalayıb.
Aysel Kərimova
_thumb.jpg)
Leysan olacaq, dolu yağacaq
Aybəniz Haşımovanın tələbələri xarici tamaşaçıları heyrətləndirib - VİDEO
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
.jpg)
