/
Simsar.az xəbər verir ki, Azərbaycanın milli telekommunikasiya peykinin resurslarından mobil rabitə və bankçılıq sahəsində çalışan şirkətlər istifadə edə bilərlər. Milli peykimizn resurslarından ucqar ərazilərdə bank-maliyyə xidmətləri göstərmək istəyən banklar yararlana bilər.
Misal üçün, banklar yerüstü rabitə infrastrukturu olmayan və ya olduğu halda istifadəsi baha başa gələn dağlıq ərazilərdə yerləşən yaşayış məntəqələrində öz bankomatlarını və ya xidmət ofislərini quraraq onları peyk rabitəsinə əsaslanan VSAT şəbəkəsi vasitəsilə baş ofislərlə əlaqələndirə bilər.
Qeyd edək ki, dünya təcrübəsində banklar peyk rabitəsi həllərinin fəal istifadəçisidirlər. Misal üçün, Cənubi Afrikanın aparıcı banklarından olan “Absa Bank” 800-ə yaxın məntəqədə özünün 1200-dək bankomatının fəaliyyətini peyk rabitəsinə əsaslanan VSAT şəbəkəsi vasitəsilə təmin edir. Hindistanda isə ölkə üzrə fəaliyyət göstərən müxtəlif bankların 30 minədək bankomatı VSAT xidmətlərindən istifadə edir”,- deyə “Azərkosmos”dan bildiriblər.