,
“Google” monitora ehtiyac duyulmayan kompyuterlər hazırlamaq fikrindədir. İlk baxışdan ağlasığmaz olsa da yeni layihə yaxın gələcəkdə monitorları arxa plana atacaq. Simsar.az xəbər verir ki, texnologiyada liderliyini qoruyan şirkət səslə idarə etməni bütün məhsullarda tətbiq etməyi hədəfləyir. Bu barədə tədqiqatları davam etdirən “Google” mühəndislərindən olan Skot Hofmanın sözlərinə görə “Güclü kompyuter sistemi artıq avtomobillərə və paltarlara da uyğunlaşdırıla bilir. Bu cür istifadə zonalarının heç birində artıq ekran və klaviaturaya ehtiyac qalmayacaq”.
Qeyd edək ki, “Google” axtarış sistemi olan “Chrome”un və yenicə aldığı “Motorola” şirkətinin “Moto X” modelinin qapalı vəziyyətdə səsli əmrlərlə idarə oluna bilməsini təmin edən xüsusi qurğuya sahibdir.
Ülviyyə Cövdətqızı