1
Rabitə və İnformasiya Texnologiyaları Nazirliyindən Simsar.az-a verilən məlumata görə, Azərbaycanın rabitə və informasiya texnologiyaları naziri Əli Abbasov Avropa İttifaqının (Aİ) Azərbaycandakı nümayəndəliyinin rəhbəri Rolan Kobia ilə görüşüb. R.Kobia qeyd edib ki, Azərbaycanda fəaliyyəti müddətində İKT sektorunda genişmiqyaslı işlər görüldüyü və müsbət nəticələr əldə edildiyinin şahidi olub.
Nazir Rabitə və İnformasiya Texnologiyaları Nazirliyinin, Azərbaycanın inkişaf konsepsiyasına uyğun olaraq ölkədə elmə əsaslanan iqtisadiyyatın formalaşdırılması, gələcək 10 il ərzində İKT gəlirlərinin neft və qaz sahəsində əldə edilən gəlirlərin səviyyəsinə çatdırılması kimi perspektiv planları olduğunu açıqlayıb.
R. Kobia Aİ məkanına qonşu ölkələr arasında Azərbaycanın İKT-nin inkişafı üzrə regionda ən qabaqcıl ölkələrdən birinə çevrilib.
Ə. Abbasov öz növbəsində Aİ-nin təsisatları ilə Azərbaycan Rabitə və İnformasiya Texnologiyaları Nazirliyinin sıx əməkdaşlıq etdiyini, daim fikir və təcrübə mübadiləsinin aparıldığını deyib .
Aysel Kərimova