1
“Microsoft” korporasiyasına qarşı bir neçə səhm sahibi tərəfindən qrup şəklində məhkəmə iddiası qaldırılıb. Simsar.az xarici KIV-ə istinadən xəbər verir ki, dünyanın nəhəng proqram təminatçısı “Surface RT” planşet kompüterlərinin satışları haqqında yanlış, həqiqətəuyğun olmayan məlumatlar yaymaqda təqsirli bilinir. İddiaçılar bildirirlər ki, ABŞ şirkəti birinci rübün yekunlarına dair maliyyə hesabatı hazırlayan zaman hiyləyə əl atıb. Təqsirləndirilənlər arasında “Microsoft” rəhbəri Stiv Balmer və şirkət rəhbərliyinin bir neçə nümayəndəsi var. Səhmdarlar korporasiyadan məbləği açıqlanmayan pul kompensasiyası tələb edirlər. Korporasiya nümayəndələri iddiaçıların iradlarını şərh etməkdən imtina ediblər.
Aysel kərimova