ю
“Nikah qeydiyyatı üçün elektron müraciət xidməti” “Elektron hökumət” portalına inteqrasiya edilib. Rabitə Nazirliyinin mətbuat xidmətindən Simsar.az-a verilən məlumatına görə, xidmətdən yararlanmaq üçün ilk növbədə portalda Ədliyyə Nazirliyinə məxsus xidmətlərin təqdim olunduğu bölməyə daxil olmalıdır. Daha sonra, müvafiq xidməti seçərək nikahın bağlanması üçün elektron müraciət formasında hər iki tərəf özünə aid olan məlumatları daxil etməklə onlayn qaydada qeydiyyat imkanından istifadə edə bilərlər.
Qeyd edək ki, interaktiv növlü elektron xidmət, istifadəçilər üçün daim açıqdır və müraciət edilməsi hər hansı qaydada məhdudlaşdırıla bilməz.
Aysel Kərimova