Azərbaycan Milli Elmlər Akademiyasında (AMEA) indiyə kimi olmayan yeni şöbələr yaradılıb.
Simsar.az xəbər verir ki, bunu bunu AMEA-nın vitse-prezidenti İsa Həbibbəyli jurnalistlərə açıqlamasında deyib. Vitse-prezident bildirib ki, yeni yaradılan şöbələrə innovasiya, analitik şöbə və digərləri daxildir.
İ. Həbibbəylinin sözlərinə görə, AMEA özünün islahatlar dövrünün başlanğıc mərhələsini yaşayır. Vitse-prezident qeyd edib ki, akademiyada artıq struktur islahatları başlayıb: “Müasir dövrün idarəetmə sistemlərinə uyğun yeni şöbələr yaradılıb. Amma bu proseslərə yalnız akademiyada yeni şöbələrin yaradılması kimi baxmaq lazım deyil. Akademiyada idarəetmə sistemi dəyişir. Bütün bunlar isə elmin inkişafına xidmət edəcək”.
İ.Həbibbəyli qeyd edib ki, akademiyada islahatlar bundan sonra davam edəcək və bütün institutları və elmi tədqiqat sahələrini əhatə edəcək. Hazırda bununla bağlı konkret plan hazırlanır.