“Attestat qiyməti 2 olan şagird ali təhsil müəssisələrində oxumamalıdı. Ana-dili və riyaziyyatı bilməyən şəxs sabah necə ixtisaslı kadr olacaq?!” Bunu Simsar.az-a açıqlamasında parlamentin elm və təhsil komitəsinin üzvü AMEA NB-nin sədri, millət vəkili İsmayıl Hacıyev bildirib
İsmayıl Hacıyev həmçinin onu da deyib ki, digər yandan 11il təhsil alıb sonda attestatsız qalmaq da düzgün deyil. “İndi vəziyyət tamamilə fərqlidi. Biz şagird olanda çalışırdıq ki, butün dərslərimizi yaxşı oxuyaq. Amma indi şagirdlər ancaq imtahan verəcəkləri fənnləri oxuyurlar. Bunun nəticəsidir ki, 50 faizdən çox uşaq 2 alıb. Şagirdlərin 2 alması nəinki şagirdlərin, eyni zamanda məktəblərin, nazirliyin təhsil səviyyəsinin aşağı olduğunun göstəricisidi. Azərbaycan dövləti şagirdlər və müəllimlər üçün hər cür şərait yaradıb. Sadəcə müəllimlərdən davamlı və düzgün tədris, şagirdlərdən də oxumaq tələb olunur.”
Aynur Bayramova