JURNALİSTİ DÖYƏN POLİSLƏR MƏSULİYYƏTƏ CƏLB EDİLƏCƏKMİ? – VİDEO
.
Bir neçə gün əvvəl Türkiyədəki hadisələrə dəstək olmaq üçün Bakıda keçirilən aksiyada jurnalist polis tərəfindən müxtəlif söyüşlərlə təhqir olunub və döyülür. Bu gün Daxili İşlər Nazirliyi həmin polislərin işdən qovulması ilə bağlı məlumat yayıldı. Ancaq həmin polislər Azərbaycan Respublikasının Cinayət Məcəlləsinin 309 maddəsində göstərilən vəzifə səlahiyyətlərini aşma maddəsi ilə cinayət məsuliyyətinə cəlb edilməyib. Daxili İşlər Nazirliyinin mətbuat xidmətinin rəis müavini Ehsan Zahidov Simsar.az-a açıqlamasında bildirib ki, həmin polislər etdiyi hərəkətə görə Daxili İşlər Nazirliyindən qovulub. “Lakin cinayət məsuliyyətinə cəlb edilməyiblər. Çünki bunun üçün qarşı tərəfin şikayət ərizəsi verməsi lazımdır. Əgər qarşı tərəf şikayət edərsə, həmin polislər cinayət məsuliyyətinə cəlb edilə bilərlər”. Ancaq tanınmış vəkil, hüquqşünas Aslan İsmayılov Simsar.az-a açıqlamasında bildirib ki, həmin jurnlaistlər şikayət ərizəsi ilə müraciət ediblər. “Bizdə isə yenə də işdən çıxarılma ənənəsi ilə həmin polislər işdən çıxarıldı, amma məsuliyyətə cəlb edilmədirlər. Baxmayaraq ki, ortada şikayət ərizəsi var”. Qeyd edək ki, Azərbaycan Respublikasının Cinayət Məcəlləsinin 309 maddəsində göstərilən vəzifə səlahiyyətlərini aşma maddəsinə görə, min manatdan iki min manatadək cərimə, bir ildən iki ilədək müddətə islah işləri və ya üç ilədək müddətə müəyyən vəzifə tutma və ya müəyyən fəaliyyətlə məşğul olma hüququndan məhrum etmə və yaxud üç ilədək müddətə azadlıqdan məhrum etmə ilə cəzalandırılır. Elmar Hüseynov
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
