Putin keçmiş həyat yoldaşı ilə evliliyindən danışıb
Rusiya prezidenti Vladimir Putin boşanması barədə açıqlamanın ardınca ilk dəfə bu mövzuda danışıb. Simsar.az "Russia Today"ə istinadən xəbər verir ki, Putin boşanmanın hər iki tərəfin istəyinə uyğun gerçəkləşdiyini bildirib. Prezident həmçinin qeyd edib ki, onların nikahının dini aspekti olmayıb və kilsədə nikah mərasimi keçirilməyib.
Boşanma xəbərinin elan edilməsinə gəlincə isə, Putin bunun xəbəri gizlətməkdən daha yaxşı olduğunu vurğulayıb: “Məsələnin dini tərəflərinə gəlincə, bu yoxdur. Çünki biz kilsədə nikah bağlamamışdıq”.
Qeyd edək ki, Rusiyanın tanınmış jurnalisti Ksenya Sobçak Putinin kilsədə nikahlandığını bildirmişdi.