.
Milli Məclisin İqtisadi siyasət komitəsinin sədri Ziyad Səmədzadə bu gün jurnalistlərə açıqlamasında Azərbaycan və Belarusiya əlaqələrinin davamlı olacağını bildirib. Simsar.az–ın məlumatına görə sədr əsl əməkdaşlığın Azərbaycan və Belarusiya müstəqillik əldə etdikdən sonra təmin olunduğunu deyib. “Bu əməkdaşlığın 20 ili ərzində Azərbaycan böyük inkişaf yolu keçib. Bu inkişaf yolunun ana xəttini iki ölkənin siyasi-iqtisadi gücünü möhkəmləndirmək, sosial-ictimai həyatın bir çox sahələrində əməkdaşlıqlarını genişləndirmək təşkil edir. Azərbaycan və Belarusiya prezidentləri iki ölkə arasındakı əməkdaşlığı strateji əməkdaşlıq kimi qiymətləndirir, çünki hər iki ölkə bir-birinin ərazi bütövlüyünü tanıyır. Hər iki ölkə beynəlxalq təşkilatlarda bir mövqedən çıxış edirlər. Əməkdaşlıq müxtəlif istiqamətlərdə aparılır. Belarusiyanın iş adamlarının iştirakı ilə Gəncədə traktor zavodu fəaliyyət göstərir.”
Sədr daha sonra əlavə edib ki, Azərbaycan və Belarusiya arasında elmi-texniki sahədə əməkdaşlıq çox yaxşıdır. “İnformasiya texnologiyaları sahəsində Belarusiyanın böyük təcrübəsi var. Əməkdaşlığımızın ana xəttini ölkələrimizin iqtisadi qüdrətinin artması, elmin, texnologiyanın tətbiqinin genişləndirilməsi eyni zamanda humanitar sahədə bir sıra əməkdaşlıqların həyata keçirilməsini təşkil edir. Hazırda azərbaycanlı iş adamları Belarusiya ilə böyük proyektlərdə iştirak edirlər. Belarusiyanın iş adamları kənd təsərrüfatı sənayesinin inkişafına, maşınqayırma sənayesinin inkişafına, informasiya texnologiyalarının inkişafına böyük xidmətlər göstərirlər.”
Aysel Kərimova
_thumb.jpg)
Leysan olacaq, dolu yağacaq
Aybəniz Haşımovanın tələbələri xarici tamaşaçıları heyrətləndirib - VİDEO
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
.jpg)
