Azərbaycanın tanınmış komediya ustası Fatma Mahmudova ərə getməyə hazırlaşır. Simsar.az-ın verdiyi xəbərə görə, onun gələcək həyat yoldaşı əcnəbidir.
"Çoxları məni tənqid edirlər, amma başa düşmürəm, burada nə var ki?! Qızlarım çoxdan ərdədirlər, nəvələrim var, indi də özüm üçün yaşamaq istəyirəm. Qohumlarım qərarıma qarşı deyillər. Mənim seçdiyim adam varlıdır, 57 yaşı var, Moskvada işləyir. Çoxdan mənə diqqət yetirirdi, amma mən ona həmişə yox deyirdim. İndi isə razılaşmaq qərarına gəldim. Ərə gedəcəm, kimsə də buna mane ola bilməz", - deyə aktrisa bildirib.
F.Mahmudovanın toyu iyunun 24-də, yaxınlarının əhatəsində keçiriləcək.