Havaya açılan atəşlə 1 000 nəfər qaçqının Türkiyəyə keçməsinin qarşısı alınıb
Suriyadan bir qrup insanın qeyri-leqal yollardan Türkiyəyə keçməsinin qarşısı alınıb. Bu barədə məlumatı Türkiyənin Baş Qərargah idarəsi yayıb. Qərargahın açıqlamasında xəbərdarlıq məqsədilə havaya atəş açıldığı bildirilib.
“Suriyadan Türkiyəyə keçməyə çalışan qaçqın və köçkünlərdən ibarət təxminən 1 000 nəfərlik qrupun əmrə tabe olmamasına görə, havaya xəbərdarlıq atəşi açılıb. Xəbərdarlıq atəşindən sonra qrup zirehli maşınları daşlayaraq təkrar Suriyaya geri qayıdıb”, – deyə Baş Qərargahın məlumatında bildirilir.