QƏNİRƏ PAŞAYEVA: «BU İŞİN MEMARLARINDAN ALLAH RAZI OLSUN» – VİDEO
.
Dünya Dili Türkcə Mahnı Olimpiadasının finalında ikinci olan Ayxan Bünyadzadəyə mükafatı təqdim edən millət vəkili Qənirə Paşayevanın çıxışı hamını heyrətləndirib. Dünən Beynəlxalq Türkcə Dərnəyi tərəfindən 11-ci dəfə təşkil edilən Beynəlxalq Türkcə Olimpiadasının final müsabiqəsi keçirilib. Münsif üzvləri Ajda Pekkan, Birol Güven, Fatih Kısaparmak, Aslıhan Erkişi, Həmdi Alkan, Orhan Gencebay, Muazzez Ersoy, Mahar Zain ve Sinan Akçilin olduğu yarışmada bolqarıstanlı Martin Yordanov birinci, Azərbaycanlı Ayxan Bünyadzadə ikinci və Filippində gələn Guinevere Kamaço da üçüncü olub. İkinci olan azərbaycanlı Ayxan Bünyadzadəyə mükafatı təqdim edən millət vəkili Qənirə Paşayeva çıxışı ilə hər kəsi, sözün yaxşı mənasında heyrətləndirib: “Bu gün qazanan sevgidir,insanlıqdır, qardaşlıqdır. Dünyanın çox yerinə getdim amma belə bir mənzərəni görmədim. Dünyanın bu sevgi və qardaşlığa ehtiyacı var. Bizim milyard dollar pulla gedə bilməyəcəyimiz yerlərə onlar sevgisiylə gedir. Bu işin memarlarından Allah razı olsun”.