Bunu jurnalistlərə təhsil naziri Misir Mərdanov deyib.
«Bu məsələ yalnız bizdən asılı deyil, bu barədə qərar olan kimi ictimaiyyətə açıqlanacaq».
Dövlət sifarişli ixtisaslar üzrə plan yerlərinin sayı da artacaq. Nazir qeyd edib ki, bu artım ildən-ildən çoxalacaq. Yaxın vaxtlarda plan Tələbə Qəbulu üzrə Dövlət Komissiyasına təqdim olunacaq.
M.Mərdanov TQDK sədri Məleykə Abbaszadənin orta məktəblərdə attestat qiymətlərinin şişirdilməsi barədə açıqlamasına da münasibət bildirib:
«Məktəblərdə şişirdilmə problemi ola bilər. TQDK ilə bizim qiymətləndirmə arasında hələ fərq var. Bunu dəfələrlə demişik. Amma ən yaxşı hal odur ki, bu, ildən-ilə azalır».