Şirkət fotoşəkilləri reklamçılıq firmalarına satmaqda günahlandırılır
Məşhur fotoşəkil paylaşma xidməti “İnstagram”ın xidmət istifadə şərtlərini dəyişdirməsinə qarşı iddia açılıb. Simsar.az-ın sabah.com.tr-yə istinadən məlumatına görə, ABŞ-ın Kaliforniya əyalətində fəaliyyət göstərən Finkelstein və Krinsk adlı hüquq firması, “İnstagram”-ın istifadə şərtlərini dəyişdirməsinin qarşısının alınmasını istəyib. Şirkətin müraciətində “İnstagram”-ın istifadəçilərin mülkiyyət hüquqlarını əlindən aldığı və bütün məsuliyyətdən qaçdığı bildirilib.
Xatırladaq ki, “İnstagram” gizlilik siyasətini dəyişdirərək, sayta yüklənən fotoşəkilləri sahiblərinə xəbər vermədən reklamcılara satmaq haqda qərar almışdı. “İnstagram”-ın dünya səviyyəsində 100 milyon istifadəçisi var.
İlknur Salamova