.
İqtisadi İnkişaf Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti tərəfindən Bakı şəhəri, Qaradağ rayonu, Sahil qəsəbəsi, Bakı-Astara yolunda “Laçın-1” firmasına məxsus istehsalat sahəsində aparılan yoxlama zamanı bir sıra qanunsuzluqlar aşkar olunub. Bu barədə Simsar.az-a İqtisadi İnkişaf Nazirliyinin İctimaiyyətlə əlaqələr şöbəsindən məlumat verilib.
Məlumata görə, “Qaradağ L1” adlı M-400 markalı sementin ümumi təyinatlı olduğu halda, onun etiketində xüsusi təyinatlı olmasına dair yanlış məlumatın verildiyi, M-300 markalı sementin uyğunluq sertifikatı olmadan istehsal edildiyi, habelə “Qaradağ L1” adlı M-300 və M-400 markalı sementlərin etiketlərində çəkilərinin 401kq göstərildiyi halda, bəzi kisələrin faktiki çəkisinin etiket göstəricisindən az olduğu müəyyənləşdirilib.
Bundan başqa, müəssisədə istehsal olunan sementin qablaşdırıldığı kisələrin üzərində istehsalçının adının, netto və brutto çəkilərinin göstərilmədiyi, habelə heç bir normativ texniki sənədə əsaslanmadan qatışığın hazırlanma qaydası və tərkibi barədə məlumatlar verildiyi müəyyən edilib.
Bununla əlaqədar, istehlakçıları çaşdırmaqla haqsız rəqabətə yol verdiyinə görə Dövlət Xidməti tərəfindən “Laçın-1” firması barəsində antiinhisar qanunvericiliyinin tələblərinin pozulması əlamətləri üzrə iş qaldırılıb.
Qanun pozuntusuna yol vermiş təsərrüfat subyektləri barəsində qanunvericilikdə nəzərdə tutulmuş tədbirlər görüləcək.
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
