.
Rəşid Behbudov adına Mahnı teatrında Pedaqoji və Sosial Elmlər Akademiyasinin həqiqi üzvü, estetik alim Vidadi Xəlilovun 70 illik yubileyi qeyd edilib. Bu barədə Simsar.az-a millət vəkili Qənirə Paşayevanın mətbuat xidmətindən məlumat verilib. Q. Paşayevanın rəhbərlik etdiyi “Avrasiya Beynəlxalq Araşdırmalar İnstitutu” İctimai Birliyinin təşəbbüsü və təşkilatçılığı ilə baş tutan yubileydə ziyalılar, ictimai xadimləri, sənət adamları iştirak edib.
Dünya Gənc Türk Yazarlar Birliyinin rəhbəri, şair Əkbər Qoşalı Vidadi Xəlilovun yaradıcılığı, pedoqogika sahəsində fəaliyyəti barədə məlumat verib və ömrünün 70-ci ilinə qədəm qoyması münasibəti ilə onu təbrik edib. Qənirə Paşayeva akademikin Azərbaycan elminə verdiyi töhfələrdən, müəllifi olduğu əsərlərdən danışıb. Millət vəkili Novruz Aslan yubliyarın musiqi sahəsində fəaliyyətindən danəşıb. Yubilyarın qızı Mələk Nigar Cəlil atasının sözlərinə Novruz Aslanın bəslədiyi “Gecələr oyaq qalan əzizim” mahnısını ifa edib.
Tədbirdə iştirak edən professor Qəzənfər Paşayev, yazıçı Hidayət Musabəyli yubliyarın elmi fəaliyyətindən danışıblar. Sonda musiqi nömrələri səslənib.
Xatirə