.
Bakı-Qazax yolunda "KAMAZ" markalı yük avtomobili idarəetməni itirərək dərəyə yuvarlanıb. Simsar.az-ın FHN-nin rəsmi saytına istinadən məlumatına görə, hadisə nəticəsində sürücü R.K. Ağamirzəyev aldığı ağır bədən xəsarətlərindən hadisə yerində vəfat edib. Hadisə ilə əlaqədar müvafiq qurumlar tərəfindən təhqiqat aparılır.
Bir neçə saat sonra yenə eyni yolda "MERCEDES" markalı minik avtomobili idarəetməni itirərək yolun kənarına aşıb. Hadisə nəticəsində avtomobildə köməksiz vəziyyətdə qalmış sərnişin müxtəlif bədən xəsarətləri ilə yanğınsöndürən-xilasedicilər tərəfindən avtomobildən çıxarılıb. Daha sonra Təcili Tibbi Yardım xidməti yaralıya müdaxilə edib. Yanğın təhlükəsinin aradan qaldırılması məqsədi ilə yanğınsöndürənlər təhlükəsizlik tədbirləri görüb.
İlknur Salamova