.
Gecə Bakı-Sumqayıt yolunun 9-cu kilometrliyində piyadanın ölümü ilə nəticələnən yol nəqliyyat qəzası meydana gəlib. Hadisə Baş Dövlət Yol Polisi idarəsi ekologiji nəzarət postunun yaxınlığında baş verib. Hadisə zamanı 27 yaşlı Baki sakini Bayramov Böyükbəy Şakir oğlu idarə etdiyi “VAZ-2107” markalı avtomaşınla yolu keçmək istəyən 41 yaşlı İbrahimov Əkrəm Akif oglunu vurub.
Qəzadan sonra sürücü Böyükbəy Bayramov piyadanı elə şəxsi avtomaşını ilə təcili olaraq 1 saylı şəhər klinik xəstəxanasına çatdırıb. Amma baş nahiyəsində xəsarət alan yaralının həyatını xilas etmək mümkün olmayıb.
YPX-nin baş inspektoru İlqar Niftəliyev mərhumun piyadalar üçün nəzərdə tutulan keçiddən keçmədiyini, bu səbəblə də avtomobilin zərbəsi ilə üzləşdiyini deyib.
Yol nəqliyyat hadisəsi ilə bağlı BDYP idarəsinin əməkdaşları tərəfindən hadisə yerində araşdırma aparılıb. Faktla bağlı idarənin istintaq şöbəsində cinayət məcəlləsinin 263.2-ci, yəni yol hərəkəti və nəqliyyat vasitələrinin istismarı qaydalarını pozma, ehtiyatsızlıqdan zərərçəkən şəxsin ölümünə səbəb olma maddəsi ilə cinayət işi başlanılıb.
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
