.
İran parlamentinin assuriyalı deputatı Yunatn Btklya 18 dekabr iclasında danışaraq radio və televiziya verilişlərində dini azlıqlara qarşı böhtan və təhqirlərə son qoyulmasını tələb edib.
Deputat dini azlıqlara qarşı təhqirlərə görə İran Məhkəmə Sisteminin rəisi Sadıq Laricaniyə dəfələrlə etiraz məktub yazdığını, ancaq hər hansı cavab almadığını deyib: “Mən İran Radio-Televiziya Təşkilatının rəisi İzzətullah Zərqamidən tələb edirəm ki, ölkədəki dini azlıqları təhqir edən verilişlərin yayılmasının qarşısı alsın və bu kimi hallara bir daha imkan verməsin. Bu gün İranda ilahi dinlərə qarşı təhqir dolu kitablar çap olunub yayılır. Mən həmçinin islami irşad və mədəniyyət nazirini bu hərəkətin qarşısını almaq üçün müəyyən tədbirlər görməyə çağırıram.
Təəssüflər olsun ki, İranda dini azlıqlara mənsub vətəndaşlara qarşı ayrı-seçkilik və məhdudiyyətlər davam etdirilir. Misal üçün, rəsmilər assuriyalıların hökumət idarə və orqanlarında işə götürülməsinin qarşısını alır, buna maneələr törədir. Belə bir hərəkət isə iqtisadi sıxıntıda yaşayanların xarici ölkələrə mühacirətinə səbəb olur”.