2012-ci ilin "Kainat Gözəli" titulunun sahibi məlum olub
Bu, 20 yaşlı "ABŞ Gözəli" Oliviya Kalpodur. 61-ci "Dünya Gözəli" müsabiqəsinin final mərhələsi ötən gün Amerika Birləşmiş Ştatlarının Las-Veqas şəhərində baş tutub və dünyanın 100-dən çox telekanalı vasitəsilə canlı yayımlanıb. Ənənəyə görə, 2012-ci ilin dünya gözəli Oliviya Kalpo tacı ötən ilki dünya gözəli, Anqoladan olan Leyla Lopesin əlindən alıb. Müsabiqədə ikinci yeri "Filippin gözəli" Cenayna Tuqonon qazanıb. Üçüncü yerə isə Venesuela təmsilçisi İrene Sofiya Esser layiq görülüb.
Qeyd edək ki, Oliviya Kalpo 1997-ci ildən bəri "Kainat Gözəli" titulunu qazanan ilk ABŞ təmsilçisidir. Həmin vaxt bu ada amerikalı gözəl Bruk Li layiq görülmüşdü. Dünyanın əsas gözəllik müsabiqəsində ümumilikdə 89 təmsilçi iştirak edib. Qaydaya görə, müsabiqədə yalnız subay və uşaqları olmayan qızlar iştirak edə bilər. Bundan başqa, gözəllərin yaşı 18-dən az və 27-dən çox olmamalıdır.
"Kainat Gözəli" titulunun sahibi brilyant və mirvarilərlə bəzədilmiş və dəyəri 270 min dollar olan tac, Nyu-York kino və televiziya məktəbində təhsil almaq üçün 45 min dollarlıq qrant və 1 il Nyu-Yorkda yaşamaq və xeyriyyəçilik fəaliyyəti üçün məbləği açıqlanmayan illik maaş alır. "Dünya Gözəli" həmçinin Nyu-Yorkda dəbdəbəli mənzilə sahib olur. Qalib "Miss Yunivörs" təşkilatı ilə eksklüziv müqavilə imzalayır və müqaviləyə əsasən, növbəti il ərzində dünya ölkələrini gəzərək, təşkilatın maraqlarını təmsil etməli və xeyriyyə tədbirlərində iştirak etməlidir.
Qeyd edək ki, "Kainat Gözəli" müsabiqəsi 1960-cı ildən keçirilir. Onun əsasını çimərlik geyimləri istehsalçısı olan "Katalina Svimveər" şirkəti qoyub, sonradan milyarder Donald Tramp və "Si-Bi-Es" şirkəti də müsabiqənin keçirilməsi hüququnu alıb.
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
