Türkiyə prezidenti Abdullah Gül insult keçirən İraq prezidenti Cəlal Təlabaniniə müalicəsini davam etdirmək üçün öz ölkəsinə dəvət edib.
Türkiyə KİV-ə istinadən xəbər verir ki, bu barədə İraq Prezident Adminstrasiyası xəbər yayıb. Bildirilir ki, Abdullah Gül Təlabaniya şəfa diləyib və ona müalicəsini Türkiyədə davam etdirmək üçün mesaj göndərib.
İraq Prezident Adminstrasiyasının yaydığı açıqlamada Gülün Təlabaninin keçirdiyi xəstəliyə görə çox təəssüfləndiyi bildirilir: "Dəyərli qardaşım, hörmətli prezident! Dünən təcili müalicə olunmaq üçün xəstəxanaya getdiyinizi böyük təəssüf hissi ilə öyrəndim. Yaxşı olduğunuzu ümid edirəm. Sizə təcili şəfa arzulayıram. Əgər istəsəniz, müalicənizi Türkiyədə davam etdirə bilərsiniz. Buna qərar verdiyiniz anda lazımi bütün tədbirləri görməyə hazır olduğumu təkrar vurğulayıram".