Ahıska türklərinin, Gürcüstandakı anavətənlərindən sürgün edilməsinin 68-ci ildönümü münasibəti ilə Azərbaycanın Saatlı bölgəsindəki Nizami kəndində qurultay keçirilib
Qurultayda, Ahıskalılar vətənlərini unutmadıqlarını və geri dönmək üçün əllərindən gələni edəcəklərini deyiblər.
83 yaşındakı Xalid Aslanoğlu: "Bizə etdikləri sürgün deyil soyqırımdı. Ahıska və Xocalı Türk dünyasının ortaq problemidir. Dünya niyə səsimizi eşitmir? Bizi yük vaqonlarına mindirdilər. Vaqonu biri dolduğunda digərinə keçirtdilər. Neçə ailə belə bir-birlərindən ayrı düşdü" -deyə danışdı .
Müzeyfə Poladov da, 1944-ün Noyabr ayında 3 saat içərisində öz obalarından məcbur çıxarıldıqlarını ifadə edərək : "İnsanlarımız yollarda həlak oldu. Biz vaqonlarda 16 gün yol getdik. Ölən insanları gözümüzün qarşısında quru basdırdılar. Yolda gördüyüm şeylər gözümün qarşısından getmir"- dedi.
Ahıska Türkləri Vətən İctimai Birliyi Başçısı İbrahim Məmmədov da Ahıskaya dönmək istədiklərini ifadə edərək bunları söylədi: "68 il keçməsinə baxmayaraq, biz Ahıska türkləri ana vətənimizi unutmadıq və unutmayacağıq. Gücümüzü çatdığı qədər vətənimizə dönmək üçün mübarizə aparacağıq."
Turanə