Bu il ziyarətə gedə bilməyənlərin adı gələn il siyahıda ilk yerlərdə olacaq
Bu il Azərbaycandan 2600 zəvvar Həcc ziyarətinə gedib. Bu il ziyarətə gedə bilməyənlərin adı gələn ilki siyahıda ilk yerlərdə olacaq.
Həcc ziyarətini başa vuran növbəti zəvvar qrupu bu gün axşam saatlarında vətənə qayıdıb. Zəvvarları qohumları və yaxınları Heydər Əliyev hava limanında qarşılayıb. Zəvvarların yaxınları hacıların hava limanına enişini həyəcanla gözləyirdi. Sevinc hissinə göz yaşı qatan yaxınlar da, anasını görüb üzərinə qaçan uşaq da olub.
Təəssüratlarını bölüşən zəvvarlar ziyarətin ağır olmasına rəğmən, bu çətinliyin xoş çətinlik olduğunu deyiblər.
Həcc ziyarətini başa vuranlar arasında aktyor Rəfael İsgəndərovu da gördük.
Qeyd edək ki, zəvvarların növbəti qrupu yaxın günlərdə vətənə qayıdacaq.