Sürücülər yol verdikləri qayda pozuntuları barədə elektron formada protokol alacaqlar
Magistral yollarda şütüyən avtomobillərin sürücülərinin bundan sonra maşınlarının sürət həddinə nəzarət etmələri məsləhətdir. Çünki, 153 yerdə quraşdırılan radarlar yol hərəkəti qaydalarını pozan sürücüləri Dövlət Yol Polis İdarəsinin əməkdaşının iştirakı olmadan belə cəzalandıracaq.
Belə ki, prezidentin fərmanı əsasında hazırlanan sistemə görə, sürücülər yol verdikləri qayda pozuntuları barədə elektron formada protokol alacaqlar. Qayda pozuntusuna yol verən sürücülər barədə məlumatlar ilk olaraq Baş Dövlət Yol Polis İdarəsində yaradılan mərkəzə daxil olur və buradan da ərazi üzrə Dövlət Yol Polisinin müvafiq şöbələrinə göndərilir. Elektron protokol tətbiq olunan gündən bu günə qədər 30.000-dən çox sürücü barəsində protokol tərtib olunub.
Elektron protokol mərkəzə daxil olandan sonra 2 gün ərzində nəqliyyat vasitəsinin sahibinə çatdırılmaq üçün ərazi üzrə Polis Bölməsinə göndərilir. Məlumatı alan sürücü həmin andan başlayaraq 10 gün ərzində nəqliyyat vasitəsini özünün idarə edib-etməməsi ilə bağlı vəsadət verməli və növbəti mərhələdə elektron protokol üzrə cəriməni ödəməlidir. Sürücü ilk gün ödəyəndə, 10% güzəştlə 258 manat ödəyir. Cəriməni 3 ay müddətinə ödəmədikdə nəqliyyat vasitəsi cərimə meydançasına qoyulur və cəriməni yenə ödəməzsə, sürücü haqqında “Sürücülük vəsiqəsinin məhdudlaşdırılması” barədə məhkəməyə müraciət olunur.
Gecənin qaranlığında qaydanı pozan sürücülər belə yeni quraşdırılan kameraların obyektivindən yayınmır. Kameralar vasitəsilə təkcə sürət həddi yox, ötmə əməliyyatını düzgün yerinə yetirməmək, təhlükəsizilik kəmərindən isitfadə etməmək və digər qayda pozuntuları da elektron formada aktlaşdırılır.
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
